[东方报]意甲：主場堅勁博洛平手盤醒里[04-07]

d1.jpg (139.7 KB, 下载次数: 0)

2025-4-7 18:10 上传

点击文件名下载附件

今晚意甲前列大戰，博洛尼亞主場惡鬥拿玻里。「神奇球隊」博洛尼亞為保前4，鬥志唔使懷疑，近6次聯賽主場出擊全勝，走勢銳不可當。拿玻里雖然位居次席，但近況麻麻頻頻失分，近4場作客未贏過，平手盤博洛值博。（周二凌晨2時45分開賽）

拿玻里近期作客唔順
博洛上季由莫達執教，爆冷獲得歐聯參賽資格，呢位意大利少帥隨即被挖角，但已為球隊打好根基，繼任人伊泰利安奴接手後，博洛仍然保持到，尤其1月底歐聯出局後，專注本土賽事，成績迅速冒升，最近各項賽事6連勝，包括上場意大利盃4強首回合大勝安玻里3比0，晉級決賽在望。單計近6次聯賽主場亦全勝，期間擊敗2支強隊ＡＣ米蘭及拉素，遇上拿玻里一啲都唔輸蝕。

拿玻里現時少踢1場落後榜首國米4分，但近期就唔多順，包括作客2支弱隊科木及威尼斯都失分而回，教練干地上場對Ａ米被罰黃牌，累積5黃今仗要停賽，唔可以喺場邊督師，難免影響臨場調整。睇番兩隊近4次對賽，拿玻里僅得1勝2和1負，毫無甜頭，平手盤博洛睇落更穩陣。