[东方报]世冠盃：守強攻弱穩中求勝 祖記細鍊艾阿恩[06-18]

                               
登录/注册后可看大图

另一場世冠盃G組賽事，阿聯酋球隊艾阿恩將會喺華盛頓挑戰祖雲達斯。艾阿恩係2023/24年亞冠盟主，實力唔算太差，祖雲達斯自3月由杜陀接手後，踢法穩中求勝，好少大炒對手，近10場有9次開3球或下，今仗可以向3.5球入球細埋手。（周四早上9時開賽）

兩支球隊都係今年初經歷換教練，艾阿恩去年喺前阿根廷球星基斯普帶領下贏得亞冠盃，可惜無以為繼，喺阿聯酋聯賽只能排第5，球會今年2月換上伊域執教，至於祖雲達斯就喺3月怒炒莫達，畀昔日名宿杜陀接手做看守領隊，由於佢最終帶「老婦人」以第4衝過終點，取得下屆歐聯入場券，最終球會就同佢簽長約。

兩隊近期少士哥
呢場波對雙方嚟講都好重要，艾阿恩雖然普遍被睇低，但佢哋喺2018年首次參加世冠盃，就以大冷門身份殺入決賽，今場有機會為「祖記」帶來麻煩，始終兩軍都喺陌生環境作賽，都需要時間適應時差。祖雲達斯雖然有備而戰，但由於未熱身，相信都要時間適應，加上佢哋近10場有9次開3球或以下，同時艾阿恩近7場亦全開3球或以下，預料「祖記」今場會小勝居多，客W太熱，倒不如轉捧入球細。