[东方报]英超：愛華頓腳軟讓唔起黑貓[11-03]

                               
登录/注册后可看大图

英超今輪壓軸戰，新特蘭主場鬥愛華頓。兩軍狀態一起一落，新特蘭近4戰3勝，相反「拖肥糖」近7場贏得1場，作客更加係3連敗，「黑貓」主場有得受讓平半，下盤抵玩到極。（Now 621周二凌晨4時直播）

「拖肥糖」近3作客全敗
新特蘭今季表現亮麗，未計今周賽程排第4，由利華古遜加盟嘅格列沙加，喺中場起穩定作用，領隊拿比斯亦將多名法國籍「子弟兵」適當運用，上場聯賽作客就以2比1擊敗傳統Big 6車路士，而且佢哋聯賽主場表現穩定，近4戰3勝1和保持不敗。

愛華頓季初本來幾對辦，但踏入9月後成績一落千丈，特別係後防出咗問題，近6場全部都有失波，加上「拖肥糖」作客失魂，近3場作客輸晒，預計難敵如日方中嘅新特蘭，主隊有得受讓梗係撐「黑貓」下盤。