[东方报]英聯盃：頹爆利物浦傷兵成籮 水晶宮讓客追擊[10-29]

                               
登录/注册后可看大图

今晚英聯盃16強焦點戰，上屆亞軍利物浦主場硬撼水晶宮。「紅軍」近期頹到冇朋友，傷兵又多，既然英聯盃只係雞肋，隨時放棄都唔出奇，水晶宮近年對親「紅軍」都分外有計，仲有得受讓咁筍，讓球客勝（+1）咪錯過。（無綫myTV SUPER周四凌晨3時45分直播）

正所謂出得嚟行，就預咗要還，季初行運行到落腳趾尾嘅利物浦，近期開始「還債」。佢哋各項賽事近6仗輸咗5場，其中英超4連敗，季初因不斷贏波而遮住嘅問題，慢慢浮晒出嚟，包括新兵域斯未融入、隊長華基爾雲迪積克為首嘅防線勁多甩漏、王牌穆罕默德沙拿狀態大跌Watt等等，依家佢哋愈想贏就愈急躁，愈急躁就愈難贏。

戰績下滑爭盃心態存疑
加上利物浦嘅傷兵人數眾多，艾利臣比加、賴恩格雲貝治、謝利美費林邦、阿歷山大伊沙克等主力都仲養緊傷，「紅軍」今仗預計會考慮安排多名主力休息，唔要呢個盃仔一啲都唔奇。

至於利物浦今季突然由盛轉衰，正正就係9月尾聯賽輸畀水晶宮開始，雖然「老鷹」近況係有啲略為回落，但佢哋對親「紅軍」都特別有心得，睇番兩軍近5次交手，水晶宮喺法定時間獲得2勝2和僅1負，除咗啱啱提到嘅聯賽之外，季前社區盾鬥利物浦亦激和2比2，最終憑住互射12碼贏波，即係今季兩次交手都未輸過，可見主帥格拉斯拿嘅穩守突擊戰術，確係專門剋住「紅軍」，讓球客勝（+1）捧得過。